Cerita singkat dalam bahasa daerah Makassar

Balao balala siagang musang

    Niak sekre balao kacipurang,ammuntuluk karanjeng raksi biralle. Akkaresomi anjo balaoa erok antamak ri anjo karanjenga ammalo ri sekre bagiang sokbolok niaka ri anjo karanjenga. Sannak aksipakna anjo nacinik birallea, na anjo pung balao sannak napaksana kallena antamak rikaranjenga. Tena nasallo kammanjo, akkule tommi antamak na nakanre kabusukmi anjo biralle niaka ilalang ri karanjenga akgenna baksorok battanna, na anjo battanna tallu kalimi lompona battu ri wattunna tenapa nantamak ri karanjenga.

    Sannakmo baksorokna anjo pung balao, na nabesokmo kalenna erok assuluk battu ri anjo karanjenga, mingka tena nakkulle nasabak lompo dudumi battanna napakamma baksorok, ulunnaji bawang nakulle napasuluk, anjoremminjo ballisik, akmoro-moro tommi nasabak tena nakkulle aksuluk.

    Angngolomi anjo musang.na nakana mae ri balaoa “o…agangku,kuassengji anne sabak antabako” . sannak dudui anne baksoroknu na tenamo nukkulle assuluk ri anne karanjenga. Iami anne pakbalasakna karaeng Allahu Taala mae rikau.